07-02-2010, 10:34 PM
|
#1
|
| المعلومات |
| الكاتب: |
|
| اللقب: |
Member |
| البيانات |
| التسجيل: |
Jul 2010 |
| العضوية: |
20 |
| المشاركات: |
93 [+] |
| بمعدل : |
0.13 يوميا |
| اخر زياره : |
[+] |
| الإتصالات |
| الحالة: |
|
| وسائل الإتصال: |
|
|
طريقة عمل الرقاق بالصور
طريقة عمل الرقاق بالصور
بسم الله الرحمن الرحيم
النهارده ان شاء الله هقدملكم طريقة عمل صينية الرقاق باللحمه المفرومه و هى طريقه بسيطه و سهله جدا.
المقادير:
لحم مفروم
سمن
ملح
فلفل أسود
بصله كبيره
شوربه ( بفضل شوربة اللحمه)
8 شرائح رقاق
الخطوات :
1- نحضر العصاج : نقطع البصله قطع صغيره أو نبشرها و نقلبها بملعقة سمن على النار حتى تصفر ثم نضيف اللحمه المفرومه و الملح و الفلفل و نقلب حتى تنضج اللحمه المفرومه بشكل متوسط
2- نبلل الرقاق بالشوربه .
3- نحضر صينيه مستديره و ندهنها بالسمن.
4- نبدأ فى وضع 4 رقاقات مبلله بالشوربه الواحده تلو الأخرىز
5- نضع العصاج و نفرده فوق الرقاق فى الصينيه
6- نضع بقية الرقاقات المبلله بالشوربه الواحده تلو الأخرى
7- نضع ملعقة سمن فوق الوش
8- نترك الصينيه فى فرن حامى لغاية الوش ما ياخد لون
ده كده الطريقه العاديه و البسيطه لصينية الرقاق
بس ممكن أن أحنا نغير شويه فيها للتجديد لو حبينا و التغيير ده بيكون فى العصاج يعنى ماتقلقوش من أنكوا تفننوا شويه .
بعض المقترحات:
1- ممكن أضافة زيتون أسود أو أخضر مع اللحمه المفرومه عند تحضير العصاج أو أضافة بعض شرائح الهوت دوج
2- ممكن أضافة بيضه للحمه المفرومه .
3- ممكن نغير اللحمه المفرومه خالص و نحضر مكعبات فراخ مع مشروم مع شرائح رفيعه لفلفل أصفر و أخضر و أحمر و فى الحاله ده يكون أفضل نبلل الرقاق بشوربة فراخ .
طبعا المقترحات ده للى بيحب التجديد فى أكله .
أتمنى أن الطريقه تكون سهله و تعجبكم
ساعد في نشر والارتقاء بنا عبر مشاركة رأيك في الفيس بوك
ساهمى معنا فى تحسين المنتدى بالضغط هنا ومشاركة الموضوع على الفيس بوك
|
|
|
سحر الشرق 
العرض العادي
