طريقة وضع الماسكرا خطوه بخطوه بالصور

ياسو · 06-21-2010, 01:07 PM

طريقة وضع الماسكرا
لا طقوني صج في ناس ما يعرفون يحطون حتى ماسكرا وأولهم رفيجتي شفتها أمس تحط ماسكرا يديده وجنها تصبغ بيت تحط الماسكرا فوق وتحت بدون لا تحرك الفرشه وتفرق رموشها وبتالي النتيجه الرموش كلها تلزقت اب بعض وأنا اسمي هل حاله ريوول عنكبووت وتقوول العيب بالماسكرا؟!! ,,,,لان صج يخرع ووايد أشوف بنات يسون هل حركه ويلزقون رمووشهم كلهم ويا بعض يعني بدال تكون عندها 20 يصيرون 5 من كثر ما لزقتهم ويا بعض!!!

بعلمكم على 3 أشياء أنا عندي طريقتين بوضع الماسكرا وحده منهم تطولهم وثانيه تكثثفهم وبالاخير بوريكم طريقه شلون تحطون ماسكرا بدون لا تخربون شغل العين(الشادو)

بستخدم ماسكرا لانكوم Hypnose

أول طريقه تكثيث وهل طريقه حلوه حق الصبح ما تخليهم أوفر وشكلهم طبيعي
أول شىء أبدي من جذور الرموش واب أيدي أحرك فرشة الماسكرا على طريقه دائريه من بدايه الرموش لي النهايه مثل وضع السهم فكري فيها كأنج قاعدين تلفين رول اب شعرج يعني طريقه دائريه

مشاء الله

وبس خلصنا سهل الطريقه و لما تحطون ماسكرا اب رموشكم السفليه خلو أيدكم شويه خفيفه مو حلو أنج تكثرين خصوصا حق الصبح

النتيجه

الحين طريقتي الثانيه للتطويل
أول شىء راح أستخدم العكف للرموش مالتي صغيره بلاستيكيه أحبها لان أقدر أحطها اب جنطة المكياج وأنا أنصح اب عكف حديديه تعطي نتيجه أوضح عكفوا رموشكم فيها حوالي دقيقه

ووراها حطيت الماسكرا مثل هل صوره المتحركه

حطيت طبقه وحده شوفوا شلون طالوا أكثر

الحين بمشط رموشي في المشط علشان أفرق رموشي راح أوريكم صورته أخر شىء

وتقدرون تستخدمون فرشه قديمه للماسكرا نظفيها وخليها عندج زينه تقدرين تستخدمينه حق حواجبج أو تفرقين رمووشج وماك تبيع وحده رقمها 204 بس أحس ما يسوا اذا تقدرين تستخدمين فرشة ماسكرا قديمه أوفر لج

وكثري شويه من الماسكرا اب رموشج السفليه
النتيجه:

أول مرا أسويها بستخدم كحل كريمي ماك Black track fluidline يقوولون تخلي الرموش سوده و شويه أوفر حق طلعات وجذي خن نشوف

أول شىء خذيت فرشة ماك 242 وخذيت الكحل الكريمي وحطيته على رموشي الي سويتها بالخطوه الثانيه(طريقة التطويل)

الحين النتيجه

رايي الشخصي حلوه الفكره لاحظت شويه فرق باللون بس عيبه أن لزق شويه من رموشي ويا بعض وهل حركه تنفع مع الي مشاء الله عندها رموش طويله

طريقة وضع الماسكرا خطوه بخطوه بالصور

الحين الخطوه الثالثه
مرات لما نحط ماسكرا تلزق بالشادو

نصيحتي بوريكم بالصور
اذا بالغلط حاش الماسكرا اب شادوج

لا تمشيييينه كلش راح يصير مثل الصوره ويخترب شغلج

نطري حوالي 30 ثانيه لي دقيقه علشان الماسكرا تنشف عدل ومني الماسكرا ناشفه وبسهووله تقدرين تمسحينه بالفرشه

فرشة ماك 204 للرموش والحواجب وهذي صورته

وهذي نفس الشىء وفرت على نفسي فلوس غسلت فرشه قديمه للماسكرا

المشط الي أستخدمه للرموش من صوب للرموش والطرف الثاني للحواجب أستخدم الطرف لتفريق الرموش بس تقدرون تستخدمون فرشه قديمه للماسكرا مثل ما وريتكم نفس الشىء بتسوي

كحل كريمي ماك Black track fluidline وفرشة ماك 242

واذا تبون تعرفون شلون تركبون رموش تكلمت عنه قبل شوفوا الرابطه
وهذا شكل رموشي بدون مساكرا

ومني اب اول طريقه تكثيث

وثاني طريقه تطويل تشووفون الفرق أن الرموشي الحين مشاء الله شويه مرتفعه لي فوق

</B></I>
ساعد في نشر والارتقاء بنا عبر مشاركة رأيك في الفيس بوك